"Kreppu matur"

Mig langar að setja hér inn góðar og umfram allt ódýrar matar uppskriftir....verði ykkur að góðu :)

 

Uppskrift nr.1

400 gr. hakk (nauta eða svína)

1 bolli ósoðin hrísgrjón

brúnn sósulitur

krydd

Hakkið léttsteikt í djúpri pönnu og kryddað eftir smekk.  Vatn sett útá pönnuna og grjónunum bætt útí hakkið, soðið saman þar til grjónin eru fullelduð, í miðri eldamennsku er matarlitnum blandað við svo hakkið og grjónin og í lokin ættu þau að hafa náð svipuðum lit :)  Ekki skemmir að skreyta réttinn með harðsoðnum ekkjabátum.  Borið fram með agúrku, tómötum og brauði.

 

Uppskrift nr.2

2 pk. núðlusúpur (ódýrastar í Bónus ca.30 kr.)

2 egg

Skinka, kjúklingur eða afgangs kjöt frá kvöldinu áður.

Núðlusúpurnar settar í sjóðandi vatn og potturinn tekinn af hellunni.  Þegar núðlurnar eru orðnar linar eru þær sigtaðar og settar í skál, kryddinu sem fylgir með þeim er hrært saman við þær.  Því næst eru eggin sett á pönnu og þegar þau byrja að steikjast er hrært í þeim svo úr verði eggjahræra sem sett er saman við núðlurnar.  Næst er að bæta við t.d. skinku sem skorin hefur verið í strimla.  Borið fram með hvítlauksbrauði og einnig er mjög gott að hafa sterka chilli sósu útá.